Беларусь лигасының “Барановичи” клубының бас бапкері Роман Киренкин командада байқауда жүрген 19 жастағы Қазақстандық форвард Алдияр Алтаев туралы алғашқы пікірін білдірді, деп хабарлайды Aladop.kz.
Legalbet.kz порталына берген сұхбатында маман жас футболшының дайындығына тоқталды.
Алғашқы әсер және алдағы сынақ
Бас бапкердің айтуынша, Алдияр өзін жақсы қырынан көрсетуге тырысып жүр. Дегенмен, нақты шешім алдағы жолдастық кездесуден кейін қабылданбақ.
“Алдияр Алтаевқа қатысты әзірге кесіп-пішіп қорытынды жасау ерте. Бірақ оған жарайсың дегім келеді, барын салып тырысып жүр. Сенбі күні бізде бақылау ойыны жоспарланған. Сол матчта оған ойын уақытын беріп, мүмкіндігін тағы бір тексермекпіз.” — деді Киренкин.
Қарсылас пен таныс есімдер
Дереккөздің мәліметінше “Барановичидің” алдағы қарсыласы — биыл Бірінші лигаға жолдама алған “СКА-1938” (бұрынғы “Энергетик-БГУ”) командасы. Бұл ұжымның тізгінінде Қазақстан футболына жақсы таныс маман Анатолий Юревич отыр. Ол кезінде еліміздің ұлттық құрамасы мен бірнеше клубтарында жауапты қызметтер атқарған болатын.
