Батыс Қазақстан облысының Орал қаласында жаңа футбол стадионы бой көтереді, деп хабарлайды Aladop.kz.
Бұл туралы Құрылысшылар күніне арналған салтанатты шарада облыс әкімінің орынбасары Мирас Мөлқай мәлімдеді.
Жаңа спорт нысаны туралы негізгі деректер:
– Орналасқан жері: Орал қаласы, "Ақжайық” шағын ауданы.
– Сыйымдылығы: Стадион 1200 көрерменге шақталған.
Қазіргі уақытта Оралдағы басты футбол аренасы — Петр Атоян атындағы стадион. Ол 1927 жылы ашылған және Қазақстандағы ең көне жұмыс істеп тұрған стадион болып ресми түрде танылған. Бұл тарихи нысан 8 320 адамды сыйдыра алады. Бұрын бұл алаңда жергілікті "Ақжайық" клубы ойнаса, қазіргі уақытта оның мұрагері — "Жайық” футбол клубының матчтары өтеді.
