«Валенсияның» жартылай қорғаушысы Карлос Солер ПСЖ-ға ауысады, деп хабарлайды Фабрицио Романо.
Белгілі инсайдердің айтуынша, клубтар ойыншының трансфері бойынша ортақ мәмілеге келген. Париждік команда Солер үшін 18+3 миллион еуро төлейді. Футболшы ПСЖ-мен 5 жылдық келісім-шартқа отырмақ.
Испания чемпионатының ағымдағы маусымында Солер 3 кездесу өткізіп, 1 гол соқты. Ал өткен маусымда 32 ойынға қатысқан 25 жастағы ойыншы 11 гол мен 5 нәтижелі пасты өз еншісіне жазған.
Айта кетейік, париждік клуб «Наполидің» жартылай қорғаушысы Фабиан Руиспен де келісім-шарт жасасты.
