Барселона бұл дағдарысты еңсере ала ма?

29.08.2020 21:47

Барселона жаңа бапкермен бірге команданы қайта жасақтамақ, және ең бастысы Мессисіз болуы әбден мүмк

Барселона бұл дағдарысты еңсере ала ма?

Барселона қазір өте қиын жағдайға тап келіп отыр. Клуб басшылығының жұмысы мүлде сын көтермейді, Чемпиондар лигасындағы бірнеше жылға жалғасып келе жатқан жұмсақ айтқанда «сәтсіздігі», команданың ішіндегі алауыздық, Мессидің Барсадан кетуі, тағыда клубтың бапкер ауыстыруы, осының барлығы каталондықтарды тығырыққа тіреуде.

 

Биылғы Чемпиондар лигасындағы «масқарадан» соң клуб басшылығы Кике Сетьенді қызметінен босатып орнына нидерландылық маман Рональд Куманды тағайындаған болатын. Куман Барсаға жаңа серпін әкеле ала ма? Куман Барселонада өзінің футболшы ретіндегі ең үздік жылдарын өткізді. Клуб филасофиясынан хабары бар. Бірақ Куманның осы кезге дейін жүрген бапкерлік жолына қарасақ толағай жетістіктері жоқ екенін көреміз. Ол Витесс, Аякс, ПСВ, АЗ, Фейенорд, Бенфика, Валенсия, Эвертон, Саутгемптон командаларын жаттықтырды. Және Аякспен бірге екі рет ішкі біріншілікте тоөп жарды. Куман баптаған клубтардың тағы бір ерекшелігі қорғанысқа көбірек мән беру. Былайша айтқанда «автобус» қойып алу болды. Бірақ Рональд мырзаның топ командаларда өзін әлі сынап көрмегенін ескерсек, Куманның дәл осы Барсада бағы жануы әбден мүмкін. Оған жоғарыда айтқанымдай каталондық клубтың филасофиясын толық меңгергенін қосыңыз.

 

Ескере кететін жағдай, Куманның Барселонаға келуіндегі негізгі мақсаты – трофей ұту емес, команданы қайта жасақтау. Бұл сөзіме дәлел Рональд мырзаның Барселонаға келе салысымен бірқатар футболшыларды трансферлік сатылымға шығарғаны. Атап айтар болсақ: Луис Суарез, Артуро Видаль, Юмтитти, Ракитич сынды негізгі құрам футболшылары. Куманның қайта жасақталатын командасының қозғаушы күші, яғни басты назар жастар болмақ. Нидерландылық бапкер жастармен жақсы жұмыс жасай алады. Яғни дәл қазіргі жағдайда Барсаға нағыз керек маман десекте болады.

 

3 пікір

  1. Чугайнова Аксэн

    Өте дұрыс!

  2. Аяпбергенов Нұржан

    Дұрыс

  3. Аяпбергенов Нұржан

    Дұрыс айтылған сөз