«Тобыл» жанкүйерлері Азат Нұрғалиевтің командадан кетуіне қарсы өз пікірлерін білдірді. Еске салайық, команда капитаны бүгін қостанайлық клубтан ресми түрде кеткен болатын.
«Бүгін біз көшбасшымыз, аңыз бен нағыз капитан – Азат Нұрғалиевтің кеткені туралы жаңалықты естідік. Архимед Мұхамбетов, сіздің клубты басқаруға және оның шешіміне толық әсер ететініңізді білеміз және бұл шешіммен келіспейтінімізді білдіргіміз келеді.
Біздің капитан жасына қарамастан, жеке шеберлігінің арқасында жоғары деңгейде өнер көрсетті. Азат – біздің команданың нағыз көшбасшысы, «Тобылда» көптен бері өнер көрсеткен санаулы ойыншылардың бірі. Ол бізге 1-2 жылға келетін футболшы емес. Азат капитан ретінде көп күш жұмсады және тура чемпион атанған кезде клубтан кетуге лайық емес.
Азат «Тобылда» қалып, футболдағы мансабын Қостанайда аяқтауы керек.
Бұл әрқашан халықтың командасы болды. Ал сіздің үлгілі әкім ретінде біздің үнімізге құлақ түретініңізге сенеміз!» - деп жазылған хабарламада.
